Gold of Dollar?

8. Oktober 2020
© JFL Photography - stock.adobe.com

Kiekst Du an de Börs, dann kannst bold de Ogen nich trauen: wat passeert daar blots? Wie hebben Corona un de Minschken mutten de Gürtel enger schnallen, un de Kurse dohnt so, as wenner dat kien Mörgen mehr gifft. Well nuh noch ne olle Kette, Gold ut de Tannen van Oma of en Krügerrand verstoppt hett, de lacht sück nu in de Slaap. Un genauso is dat mit de US-Dollar. De geiht nah boben, ok wenner de „Chief” all maket, dat dat mit de Kuntrei bannig andaal geiht. Un ick weet ok nich, warüm de Fend so düll up Düütschland is. Sien Ollen kamen ut uns Land un de Dollar is sogar ut uns Gegend. Dat weten´s nich? As de Ollenbörger un Ostfreesen utwannert sünd, so in dat 18de Jahrhunnert, wassen en Bült Plattdüütsche in de neie Welt kamen. Un de wassen ok an´t Hanneln un Verkoopen. Un as dat daarum güng, of Engelsch of Düütsch de Landespraak warden sull, hett sück Engelsch döörsett. Man de Plattschnacker harrn de Nöös dann vörn, as dat um de Währung gung. De Dollar kump namenlick van de „Taler“. Op Platt heet dat all damals: „Giff mi mal en Daler!“ Un schwupp: ok wenner de Baas van de anner Siet nich mit Düütschland klar kamen deiht, he rafft sien Vermögen mit en Plattdüütsche Begreep tosamen. So hebben wie hum doch noch en Schnipken slahn! Munter blieben!

Kolumnist Ludger Abeln / © Kathleen Pallasdies

Zutaten


Zubereitung


Sien Ollen kamen ut uns Land un de Dollar is sogar ut uns Gegend

*1786 Nr. 2
*1786 Nr. 3

 

*1786 Nr. 2
*1786 Nr. 2

 

*1786 Nr. 1
*1786 Nr. 1