Is dat noch Wetter of is dat all Klima?

1. April 2020
© Adobe Stock

In de lesde Winter hebb ick mie echt överleggt, of ick noch miene Winterreifens uptrecken sull of nich! Ick bün ja nuh nich mehr taufrisch un daarüm kann ick mie ok noch daarop besinnen, dat wie in miene Kinnertied mehr Winter harrn. Wat is blots mit uns Natur los?

Nich erst siet Greta marken wie doch all, dat sick wat verännert hett. Toerst was dat blots en Geföhl, man nuh köhnt ok de Wissenschaftlers dat belegen: de Temperatur is in de verleden 20 Jahr ansteegen, konstant. Dat wart dröger un de Wetterkapriolen nehmen to. Vör allem de Buuren hebbt to kämpfen. In de lesde Sömmer sünd, as in olle Westernfilme ut Amerika, Stuffwulken över de Straaten trucken. Bie uns was de Boden so hart, dat he kien Water mehr upnehmen kunn. De Tuffels, dat Korn of Früchte sünd an de Struuken verdröögt. Up de Rhein kunnen blots noch lütte Scheepen föhrn. To´n Glück hett dat bie uns noch nich so brannt as in Australien, nich uttodenken, wat dann hier passeert was.

De Minschen, mit de ick mie unnerholl sünd nich mehr so gliekgültig. De hebben insehn, dat dat so nich wiedergahn kann. Man, dat is een Upgaav för all, ok in de lütten Dinge, wat to verännern. Nahhalligkeit is een Schlagwort, of Verzicht up Konsum of Flugscham. Ok uns Ünnernehmens hebbt erkannt, dat se mit nahhallen Saken nich blots Ressourcen schonen köhnt. Ne, daarmit kann een ok Geld verdeenen. De Lüüh kiekt jümmers mehr, of de Saken, de se kopen ut de Region kamen, waar se produzeert worden sünd un waar lang se hollen.

© Kathleen Pallasdies

Zutaten


Zubereitung


„Freedags för de Tokunft!“ En groodet Thema. De Realschool in Wildeshuusen hett sück Fördergelder van de LzO sichert. Daarmit willen se en Hektar Land kopen un de nahhallig bewirtschuppen. En Begünn, man well nich anfangt un blots jümmers an´t Jammern is, dat dat sowieso nix brengen deiht, de hett de Glöven in en goode Tokunft all verloren. Man mutt nich jümmers an Greta denken. Dat reicht all, um uns rum to kieken un elke Daag en beten bewusster to hanneln. Dann hebbt wie ok wieder Wetter un nich blots en schlimmet Klima!

*1786 Nr. 2
*1786 Nr. 3

 

*1786 Nr. 2
*1786 Nr. 2

 

*1786 Nr. 1
*1786 Nr. 1